UPPBOÐSSKILMÁLAR

Þeir skilmálar sem gilda um uppboð á vegum Sýslumannsins í Reykjavík eru almennir skilmálar fyrir uppboðssölu á lausafjármunum og fleiru sbr. auglýsingu í B-deild Stjórnartíðinda nr. 42/1992.

Skilmálarnir eru í meginatriðum þessir:

  1. Skorað er þrívegis á viðstadda að gera frekari boð í hlut áður en hamar fellur.
  2. Bifreiðar eru seldar í því ástandi sem þær eru í þegar hamar fellur.
  3. Sýslumaður tekur enga ábyrgð varðandi ástand bifreiða við uppboðssölu.
  4. Sýslumaður ber enga ábyrgð á því hvort upplýsingar um tegund, gerð eða árgerð bifreiðar séu réttar.
  5. Lyklar fylgja bifreiðum sem eru merktar (L) fyrir aftan á uppboðsskrá.
  6. Uppboðshaldari ákveður hvort og hvaða boðum er tekið og minnsta mun á milli boða. Séu tveir eða fleiri með sama boð ákveður uppboðshaldari hverju boði sé tekið.
  • Greiðsla söluverðs fer fram við hamarshögg sem þýðir: bifreiðar eru staðgreiddar á staðnum. Einungis er hægt að greiða kaupverð með reiðuféi og/eða með debetkorti. Kreditkort og ávísanir eru ekki teknar. Með öðrum orðum er enginn gjaldfrestur veittur.
  • Þegar bifreið er slegin kaupanda skal hann ganga rakleitt til gjaldkera til þess að greiða.
  • Þeir einir bjóði í sem treysta sér til að standa við boð sín. Þeir sem bjóða í þurfa að vera fjárráða, þ.e. vera orðnir 18 ára.
  • Kaupandi ber áhættu af hinu selda frá því að hamar fellur og skal hann taka bifreið í sína vörslu strax að loknu uppboði.
  • Þá skal kaupandi tryggja bifreið áður en hún er færð af uppboðsstað og greiða kr. 2.530.- í skráningargjald, að öðrum kosti verða skráningarmerki tekin af bifreiðinni. Ef um vinnuvél er að ræða greiðir kaupandi kr. 2.680.- í skráningargjald.
  • Annar hugsanlegur kostnaður vegna skráningar bifreiðar hjá Umferðarstofu er uppboðshaldara óviðkomandi, t.d. ef panta þarf ný skráningarmerki. Þá fylgja einkanúmer ekki bifreiðum.
  • Lausafé í bifreiðum eins og t.d. persónulegir munir, farsímar, talstöðvar eða annað fylgja ekki með í kaupum.
  • Þá fyrst er hægt að færa bifreið til skoðunar þriðjudag eftir að uppboð er haldið.